Për të Shkuar për Umre, Duhet të Vaksinoheni - 2025

Kërkesat dhe Rekomandimet Shëndetësore për Personat Që Do të Udhëtojnë për Umre dhe Vizitë në Arabinë Saudite (1446H - 2025)

Ministria e Shëndetësisë së Mbretërisë së Arabisë Saudite e publikoi këtë dokument me qëllim që të përcaktojë kërkesat dhe rekomandimet shëndetësore për individët që planifikojnë të kryejnë Umre, të vizitojnë dy xhamitë e shenjta ose vendet e shenjta (Meka, Medina, Xhiddë dhe Taif).

1. Vaksinat e Detyrueshme: Ministria e Shëndetësisë kërkon paraqitjen e një certifikate që vërteton administrimin e vaksinave të mëposhtme:

Meningokokale Kundër Meningjitit: Të gjithë udhëtarët e Umres (1 vjeç e lart) duhet të kenë marrë një nga këto vaksina:

• Vaksina polisakaride katërvalente meningokokale (ACYW-135): Duhet të jetë administruar brenda 3 viteve të fundit dhe të paktën 10 ditë para mbërritjes.

OSE

Vaksina e konjuguar katërvalente meningokokale (ACYW-135): Duhet të jetë administruar brenda 5 viteve të fundit dhe të paktën 10 ditë para mbërritjes.

• Autoritetet shëndetësore të vendit të origjinës duhet të sigurohen që personi që udhëton ka marrë vaksinën e miratuar brenda periudhës së vlefshmërisë së përcaktuar dhe që certifikata e vaksinimit të specifikojë qartë emrin, llojin dhe datën e administrimit të vaksinës. Nëse tipi i vaksinës nuk është specifikuar, vlefshmëria e vaksinimit kufizohet në 3 vite nga data e administrimit.

Polio:

Të gjithë udhëtarët që vijnë nga vende që raportojnë raste me virus të egër polio (WPV1) ose cVDPV1 duhet të kenë marrë (Tabela 1):

• Bivalent oral polio (bOPV) ose inaktiv polio (IPV): Duhet të jetë administruar brenda 12 muajve të fundit dhe të paktën 4 javë para mbërritjes në Arabinë Saudite.

Për udhëtarët që vijnë nga vende që raportojnë pozitivitet të cVDPV2 ose raste të paralizës flaksid akute (AFP) (Tabela 2):

• Do të pranohet një dozë IPV ose OPV (kur IPV nuk është i disponueshëm), e administruar brenda 6 muajve të fundit dhe të paktën 4 javë para mbërritjes.

Sari i Verdhe:

Të gjithë udhëtarët mbi moshën 9 muajsh nga vendet me rrezik të transmetimit të Sarit të Verdhe (Tabela 4):

• Duhet të kenë certifikatën e vaksinimit, e cila është e vlefshme përgjithmonë duke filluar 10 ditë pas vaksinimit.

2. Vaksinat e Rekomanduara: Pelegrinëve, vizitorëve dhe udhëtarëve u rekomandohet të marrin vaksinat e mëposhtme:

COVID-19: Sipas protokolleve të fundit të vaksinimit në vendin e origjinës.

Grip Sezonal: Vaksina e gripit sezonal është shumë e këshilluar.

Polio: Për ata që vijnë nga vendet me transmetim të cVDPV2 në burime mjedisore, një dozë IPV ose OPV duhet të jetë marrë brenda 6 muajve të fundit dhe të paktën 4 javë para udhëtimit.

Vaksina të tjera të lidhura me shpërthime: DTP (difteria, tetanozi dhe pertusi), MMR (fruthi, shytat dhe rubeola), Polio dhe lija e ujit janë shumë të rekomanduara për udhëtarët.

3. Masa të Kontrollit në Kufij: Autoritetet shëndetësore në pikat hyrëse të Arabisë Saudite mund të aplikojnë masa si më poshtë:

• Administrimi i antibiotikëve për profilaksi kundër meningjitit për ata që vijnë nga vendet me shpërthime të shpeshta të meningjitit ose rrezik për shpërthime (Tabela 5).
• Administrimi i një doze të bivalent oral polio (bOPV) për udhëtarët nga vendet që raportojnë raste WPV1 ose cVDPV1, pavarësisht nga mosha dhe statusi i tyre i vaksinimit (Tabela 1).
• Kontroll i mjeteve të transportit për të siguruar që janë të dezinfektuara sipas Rregullores Ndërkombëtare të Shëndetit (2005), veçanërisht ato që vijnë nga zona të prekura nga Sari i Verdhe, Zika ose Dengue (Tabela 4 dhe 6).

4. Rekomandime të Përgjithshme Shëndetësore:

4.1. Aftësi fizike dhe mendore: Pelegrinëve dhe vizitorëve u rekomandohet të jenë të liruar nga sëmundjet ose paaftësitë që kufizojnë kryerjen e riteve të Umres. Sëmundjet përfshijnë:

• Dështimi i avancuar i veshkave që kërkon dializë.
• Dështimi i avancuar i zemrës me simptoma në qetësi ose pas përpjekjes së vogël fizike.
• Sëmundje kronike të mushkërive që kërkojnë përdorim të oksigjenit.
• Ciroza e avancuar e mëlçisë me shenja dështimi të saj.
• Çrregullime të rënda neurologjike dhe psikologjike me dëmtim të rëndësishëm të njohjes ose motorik.
• Demenca dhe pleqëria e avancuar.
• Gratë shtatzëna në muajt e fundit ose shtatzënia me rrezik të lartë.
• Sëmundje ngjitëse aktive që kanë rëndësi për shëndetin publik (p.sh. tuberkulozi i hapur pulmonar, ethet hemorragjike, etj.)
• Kancer aktiv që kërkon kimioterapi.

4.2. Sëmundjet kronike: Udhëtarëve me sëmundje kronike u rekomandohet të vizitojnë mjekun e tyre para udhëtimit dhe të marrin dokumentacionin mjekësor së bashku me medikamentet e tyre të nevojshme në ambalazhet origjinale.

4.3. Infeksionet respiratore dhe sëmundjet e tjera të transmetuara nga ushqimi, uji ose vektorët:

• Lani duart me ujë dhe sapun ose dezinfektues para dhe pas aktiviteteve të ndryshme.
• Përdorni facoleta kur kolliteni ose teshtitni dhe eliminoni ato në mënyrë të sigurt.
• Mbani maska në ambiente të mbushura me njerëz dhe zëvendësoni ato kur lagen.
• Shmangni kontaktin direkt me persona të sëmurë ose ndarjen e objekteve personale.
• Mos konsumoni qumësht të papasterizuar, mish të pagatuar ose produkte shtazore të papërpunuara.
• Sigurohuni që ushqimi të jetë gatuar mirë dhe të ruhet në temperatura të sigurta.
• Përdorni produkte kundër mushkonjave sipas nevojës dhe shmangni fjetjen jashtë pa mbrojtje nga mushkonjat.

5. Përgjigjja ndaj Ngjarjeve të Shëndetit Ndërkombëtar: Ministria e Shëndetësisë bashkëpunon me organizatat relevante për të ndërmarrë masa për të parandaluar kërcënimet shëndetësore ndërkombëtare emergjente.

Tabela 1: Vendet që raportojnë raste me virus polio të egër (WPV1) ose cVDPV1 deri në datën e publikimit të këtij dokumenti:

• WPV1: Afganistani dhe Pakistani.
• cVDPV1: Mozambiku, Republika Demokratike e Kongos dhe Jemeni.

Tabela 2: Vendet që raportojnë raste me poliovirus të qarkulluar (cVDPV2) në popullatë ose Akut Flask Paraliza (AFP) deri në datën e publikimit të këtij dokumenti, dhe kërkohet vaksinimi i udhëtarëve:

• Afrika: Nigeria, Kenia, Mali, Çadi, Sudani Jugor, Republika Demokratike e Kongos, Guinea, Somalia, Benini, Nigeri, Angola, Kameruni, Etiopia dhe Liberia.
• Të tjerët: Indonezia, Palestina dhe Jemeni.

Tabela 3: Vendet që raportojnë burime mjedisore pozitive për cVDPV2 deri në datën e publikimit të këtij dokumenti dhe për të cilat rekomandohet vaksinimi i udhëtarëve:

• Afrika: Algjeria, Angola, Çadi, Egjipti, Etiopia, Gana, Liberia, Nigeri, Nigeria, Senegali, Sierra Leone, Somalia, Sudani Jugor, Uganda dhe Zimbabve.
• Të tjerët: Palestina, Spanja dhe Jemeni.

Tabela 4: Vendet dhe rajonet me rrezik për përhapjen e etheve të verdha sipas Udhëzimeve Ndërkombëtare të Shëndetësisë të OBSH deri në datën e publikimit të këtij dokumenti:

• Afrika: Angola, Benini, Burkina Faso, Burundi, Kameruni, Republika e Afrikës Qendrore, Çadi, Kongo, Bregu i Fildishtë, Republika Demokratike e Kongos, Guinea Ekuatoriale, Etiopia, Gaboni, Gambia, Gana, Guinea, Guinea-Bisau, Kenia, Liberia, Mali, Mauritania, Nigeri, Nigeria, Senegali, Sierra Leone, Sudani Jugor, Togo dhe Uganda.
• Amerika: Argjentina, Bolivia, Brazili, Kolumbia, Ekuadori, Guajana Franceze, Guajana, Panama, Paragua, Peruja, Surinami, Venezuela, Trinidad dhe Tobago.

Tabela 5: Vendet dhe rajonet ku shpërthimet e meningjitit janë më të zakonshme ose konsiderohen në rrezik për meningjit deri në datën e publikimit të këtij dokumenti:

• Afrika: Benini, Burkina Faso, Burundi, Kameruni, Republika e Afrikës Qendrore, Çadi, Bregu i Fildishtë, Republika Demokratike e Kongos, Eritrea, Etiopia, Gambia, Gana, Guinea, Guinea-Bisau, Kenia, Mali, Mauritania, Nigeri, Nigeria, Sudani Jugor, Ruanda, Senegali, Sudani, Tanzania, Togo dhe Uganda.

Tabela 6: Vendet që janë ndikuar nga Zika dhe/ose ethet Dengue deri në datën e publikimit të këtij dokumenti:

• Afrika: Angola, Burkina Faso, Burundi, Cabo Verde, Kameruni, Republika e Afrikës Qendrore, Bregu i Fildishtë, Etiopia, Gaboni, Guinea-Bisau, Nigeria, Senegali, Uganda dhe Sudani.
• Amerika: Anguilla, Antigua dhe Barbuda, Argjentina, Bahamas, Barbados, Belize, Bolivia, Bonaire, Dominika, Republika Domenikane, Sint Eustatius dhe Saba, Brazili, Ishujt Virgjine Britanike, Ishujt Kajman, Kolumbia, Kosta Rika, Kuba, Curacao, Panama, Paraguai, Peruja, Porto Riko, Saint Barthelemy, Saint Kitts dhe Nevis, Saint Lucia, Saint Martin, Ekuadori, El Salvadori, Guajana Franceze, Grenada, Guadeloupe, Guatemala, Guajana, Haiti, Hondurasi, Ishulli i Pashkëve, Xhamajka, Martinika, Meksika, Montserrati, Nikaragua, Saint Vincent dhe Grenadinët, Saint Martin, Surinami, Trinidad dhe Tobago, Ishujt Turks dhe Caicos, Ishujt Virgjine të SHBA dhe Venezuela.
• Azia: Bangladeshi, Fixhi, Vietnami, India, Polinezia Franceze, Papua Guinea e Re, Indonezia, Laosi, Filipinet, Maldivet, Ishujt Marshall, Samoa, Myanmari, Malajzia, Singapori, Tailanda, Mikronezia, Ishujt Solomon, Kamboxhia, Kaledonia e Re, Tonga, Ishujt Kuk, Palau, Vanuatu dhe Sri Lanka.