Muzdelife

Muzdelifeja është një vend i shenjtë midis Arafatit dhe Minës, brenda kufijve të Haram-it, ku pas vakfes (qendrimit) në Arafat bëhet vakfja (qendrimit të) e dytë. Muzdelife ka një sipërfaqe totale prej 963 hektarësh dhe ndodhet rreth 13 km nga Mekë-i e Madherueshme. Gjatë Haxhit të Lamtumirës, Pejgamberi Muhamed (s.a.v.) arriti në Muzdelife pas vakfes (qendrimit) në Arafat dhe fali bashkë namazet e akshamit dhe të jacisë pranë kodrës Kuzah. Fjala "Muzdelife" nënkupton afërsinë dhe mbledhjen.

Gjatë sezonit të Haxhit, njerëzit që zbresin nga Arafati mblidhen në Muzdelife për të bërë dhikër, dua dhe vakfe (qendresë), për t’iu afruar Allahut. Ky vend konsiderohet i shenjtë edhe për shkak se është vendi ku Hz. Ademi dhe Hz. Havva u bashkuan pas Arafatit. Gjithashtu, për shkak se njerëzit mblidhen këtu dhe falin bashkë namazet e akshamit dhe të jacisë pasi ka hyrë koha e jacisë, Muzdelife quhet edhe “Xhem” (mbledhje).

Disa dijetarë besojnë se në ajetin kuranor:

"فَاِذَٓا اَفَضْتُمْ مِنْ عَرَفَاتٍ فَاذْكُرُوا اللّٰهَ عِنْدَ الْمَشْعَرِ الْحَرَامِۖ" "Kur të zbrisni nga Arafati, përkujtoni Allahun pranë Mesh’ar-il-Haram-it." (Surja : Bekare , 198),

me "Mesh’ar-il-Haram" është nënkuptuar Muzdelife. Të tjerë sugjerojnë se kjo i referohet kodrës Kuzah, ku Pejgamberi (s.a.v.) bëri vakfen(qendrimin ). Pranë kodrës Kuzah ndodhet Mesxhid-i Mesh’ar-il-Haram (Mesxhid-i Âdem), një xhami e bekuar.

Vakfja në Muzdelife

Vakfja (qendrimi) në Muzdelife është vaxhib (e domosdoshme). Pejgamberi (s.a.v.) pas vakfes (qendrimit) në Arafat, shkoi në Muzdelife dhe fali bashkë namazet e akshamit dhe të jacisë. Pas pushimit deri në agim, ai fali namazin e sabahut dhe më pas, mbi devenë e tij, shkoi në kodrën Kuzah ku bëri dhikër, tekbir dhe dua deri sa agoi. Para lindjes së diellit, u nis për në Mina.

Muzdelife është vendi ku Pejgamberit (s.a.v.) i është dhënë lajmi i faljes për ata që kanë borxhe ndaj të tjerëve dhe vendi ku shejtanët u bënë të dëshpëruar. Në Arafat, Pejgamberi (s.a.v.) bëri dua për faljen e ummetit të tij dhe e përsëriti këtë në Muzdelife, ku më pas buzëqeshi. Kur u pyet për këtë, ai tha se buzëqeshi sepse pa shejtanin të dëshpëruar pasi duaja e tij u pranua.

Sipas medhebeve Hanefi dhe Shafi, kalimi i natës në Muzdelife pas ditës së Arafatit deri në kohën e sabahut është sunet, për Malikitët është mendup dhe për Hanbelitët është mustehap. Vakfja për një periudhë të caktuar është vaxhib sipas të gjitha këtyre medhhebeve.

Koha e Vakfes në Müzdelife

Sipas medhhebit Hanefi, koha e vakfes në Müzdelife fillon me lindjen e sabahut (është agimi i dytë dhe përbëhet nga një dritë që fillon të përhapet në horizontin lindor në mëngjes.) dhe përfundon me lindjen e diellit ditën e Kurban Bajramit. Nëse personi qëndron në Muzdelife për një kohë të shkurtër gjatë kësaj periudhe, vakfja e tij është e vlefshme. Vakfja e bërë para sabahut ose pas lindjes së diellit nuk është e vlefshme sipas medhhebit Hanefi.